7 Frutat Më Të Mira Për Të Luftuar Artritin Këtë Verë
Vera është periudha më e mirë për të konsumuar fruta. Ato janë të pasura me vlera ushqimore dhe antioksidantë që ndihmojnë në trajtimin e inflamacioneve dhe artritit. Është stina e frutave të freskëta! Nëse vuani nga artriti, është momenti të përfitoni nga prodhimet e sezonit. Frutat janë të pasura me antioksidantë, vitamina dhe polifenole (përbërës organikë që gjenden tek bimët) që ndihmojnë në uljen e stresit oksidativ dhe luftojnë inflamacionin.
Mos u bëj merak për sheqerin!
Shumë njerëz mendojnë se frutat duhen shmangur pasi ato kanë shumë sheqer. Por, ka goxha ndyshim midis një çokollate dhe një fruti. Është e vërtetë se çdo karbohidrat kthehet rrjedhimisht në sheqer, por sidoqoftë, frutat kanë edhe vlera të tjera, siç janë vitaminat, mineralet dhe fibrat, të cilat mund të reduktojnë rrezikun e inflamacioneve. Ndërkohë që një copë çokollatë është thjesht sheqer me shumë kalori dhe më pak lëndë ushqyese të shëndetshme.
7 Fruta të Shijshme Për Të Luftuar Artritin
Qershitë
Qershitë janë një burim shumë i mirë polifenolesh dhe vitamine C, të cilat janë të pasura me antioksidantë dhe kanë veti anti-inflamatore. Sipas një studimi të bërë në vitin 2018, mbi avantazhet mjekësore të qershive, rezultoi se qershitë janë një burim i mirë polifenolesh dhe acidi L-askorbik, të cilët kanë shumë veti shëruese dhe përforcuese për qelizat e trupit të njeriut. Studimi mbi qershitë dëshmoi ulje të presionit oksidativ dhe inflamacionit, stabilizim në presionin e gjakut dhe forcim të indeve muskulore.
Nektarina, Pjeshkë dhe Qitro
Frutat me gurë në bërthamën e tyre, siç janë pjeshka, kajsia apo kumbulla dhe agrumet si limoni, portokalli dhe limoni i athët, janë të mbushura me antioksidues dhe anti-inflamatorë të vitaminës C. Madje, thuhet se pjeshkët e konservuara në shurup përmbajnë edhe më shumë vitaminë C se ato të freskëtat.
Shega
Sipas një studimi të bërë nga ‘Revista Ndërkombëtare e Praktikave Klinike në 2021’ raportohet se shegët mposhtin komplikacionet e artritit duke reduktuar inflamacionin dhe stresin oksidativ. Pse? Sepse shegët janë një burim i shëndetshëm polifenolesh, të cilët veprojnë si antioksidantë të fuqishëm. Shega përmban gjithashtu vitamin K, e cila redukton ënjtjen e kyçeve dhe forcon kockat.
Manaferrat dhe Rrushi
Një studim i vitit 2018 pohoi faktin se manaferrat jo vetëm që janë të pasura me antioksidantë, por mbartin gjithashtu një sasi të konsiderueshme polifenolesh, të tilla si anthocyanina dhe kuercetinë, si edhe disa lloje të ndryshme acidesh fenolike që nidhmojnë procesin e reduktimit të inflamacionit.
Ananasi
Ananasi është një burim i shquar vitamine C, por është gjithashtu i pasur me enzimë proteaze dhe bromelain. Ananasi redukton inflamacionin, ndihmon sistemin imunitar dhe ndihmon procesin e tretjes. D
Për aq kohë sa nuk është është në picë kuptohet 😅.
Shalqiri
Një publikim i revistës shkencore ‘Molekulat’ në vitin 2020 e përcaktoi shalqirin përveçse një frut tejet freskues për etjen por edhe shumë të pasur në citrulinë, likopen, polifenole dhe vitamina A dhe C, të cilat kanë veti të fuqishme antioksiduese. Shalqiri përmirëson gjithashtu gjëndjen e kockave dhe ndihmon në parandalimin e sëmundjeve si diabeti, kanceri dhe obeziteti.
Rrushi
Rrushi është burim i mirë anti-oksidantësh dhe polifenolesh. Rrushi i zi përmban gjithashtu ‘resveratrol’, polifenol natyral që shquhet për vetitë e tij anti-inflamatore dhe anti-kancerogjene.
Provojini të gjitha!
Frutat dhe perimet kanë me qindra fitonutrientë të ndryshëm, kështu që konsumoni sa më shumë lloje për të marrë të gjitha përfitimet e ndryshme që ato ofrojnë.
Ju bëftë mirë!
