Sezoni i Virozave? Ja Si Mund Të Mbrohemi!
Ne mund të jemi më të ndjeshëm ndaj virusit sesa kemi qenë vitet e fundit, por mjekët kanë këshilla për të qëndruar të shëndetshëm. Teksa po ikën periudha ku dominonin lajmet rreth Covid-19, poliomelitit dhe gripit të majmunit, duket se është rikthyer edhe njëherë në aktualitet tema e virozave të zakonshme. Muaj shtator që sapo lamë pas, shënoi një numër befasues të prekurish nga virozat stinore. Pas më shumë se dy vitesh me Covid-19 ‘nëpër këmbë’, duket se tashmë frika e infektimit nga virusi pandemik i përket më shumë së shkuarës dhe gripi i zakonshëm po rikthehet më “fuqishëm” se kurrë.
Tani le t’i rikthehemi realitetit shëndetësor të ditëve të sotme. Pothuajse çdokush prej nesh, njeh dikë ose ka përjetuar vetë temperaturë, kollitje dhe ethe. Duket sikur vit pas viti, simptomat sa vijnë e përkeqësohen. Ndoshta është imuniteti apo antitrupat tanë që po bien, ose ndoshta niveli i infektimit të viruseve po përkeqësohet. Por, sado që COVID-19 nuk është më bisedë kryesore, ai ka lënë gjithsesi dilemat e tij në çdo rast temperature apo kollitjeje. Ironizues është ndoshta fakti që me heqjen përfundimtare të masave të COVID-19 të gjithë kemi mbetur tashmë më të cënueshëm nga virozat e zakonshme të stinës. Sidoqoftë, ja se çfarë mund të bëjmë për të qendruar të shëndetshëm këto ‘ditë virozash’.
Vaksina e Gripit
Nuk mund të thuhet ende me siguri sesa efektive është vaksina e gripit e këtij viti, por sipas të gjithë ekspertëve, edhe në rastet kur vaksina nuk përputhet siç duhet me virozat që qarkullojnë, ajo përsëri arrin të na mbrojë nga sëmundjet infektuese dhe komplikimet e tyre.
Një studim i vitit ‘2017 zbuloi se vaksina e gripit redukton riskun e shtrimit në spital tek personat nga 18-51 vjeç me 51% dhe tek personat mbi 65 vjeç me 37%. Gjithashtu, një studim i vitit ‘2020 zbuloi se vaksina e gripit tek fëmijët redukton shansin e shtrimit në spital si pasojë e gripit me 41% gjatë sezonit të gripit ‘2018-2019.
Kini parasysh se fëmijët mbi 2 vjeç mund t’a marrin dozën e tyre të vaksinës edhe nëpërmjet hundës me spraj. Metodë e cila nuk ka nevojë për gjilpërë dhe funksionon po aq mirë sa shpimi. Ndërsa fëmijët nga 6 muaj deri në 8 vjeç që bëjnë vaksinën e gripit për herë të parë, ose që kanë marrë vetëm një dozë vaksine gjatë jetës së tyre, u duhet të bëjnë dy doza vaksine këtë vit. Edhe nëse nuk komplikimet e gripit nuk ju shqetësojnëj, konsideroni faktin se vaksina e gripit “mbron jo vetëm ju por edhe njerëzit përreth jush”.
Bëni Vaksinën e Gripit dhe Covid-19 Në Të Njëjtën Kohë
Është një ide shumë e mirë që t’i bëni të dyja vaksinat në të njëjtën kohë. Nëse e keni mundësinë që t’a merrni vaksinën e tretë të Covid-19 bashkë me vaksinën e gripit të zakonshëm është mënyra më e mirë për t’i siç duhet ‘dhënë situatës drejtim’.
Ekspertët pajtohen të gjithë me faktin se bërja e vaksinës përforcuese (e tretë) të Covid-it dhe e gripit sezonal në të njëjtën kohë është diçka mëse e sigurtë. Lehtësia e bashkëveprimit të dy vaksinave ndihmon trupin të përballojë periudhën e vështirë të virozave dhe të gëzojë shëndet të plotë dhe imun. Sidoqoftë, ata që i bëjnë të dyja vaksinat në të njëjtën kohë, mund të perjetojnë disa efekte anësore të lehta, të tilla si dhimbje krahësh, dhimbje koke dhe lodhje.
Mjekët gjithashtu sugjerojnë se njerëzit më të rrezikuar nga komplikimet e gripit, si gratë shtatzënë, personat mbi 65 vjeç, ata që kanë probleme astme, sëmundje zemre ose diabet, duhet të bëjnë vaksinën kundër gripit sa më parë të jetë e mundur.
Ndonjëherë, Mbrojtja Më e Mirë Është Pritja
Nëse nuk bëni pjesë në grupin e njerëzve në rrezik të lartë, nëse aktiviteti i gripit është i ulët në zonën ku jetoni dhe nëse jeni person që kërkoni të optimizoni vetëmbrojtjen tuaj ndaj gripit, pritja për një ose dy muaj vlerësohet gjithsesi si zgjedhje e zgjuar. Marrja e vaksinës në një periudhë pak më të largët ka kuptim teksa në përgjithësi njerëzit kanë më shumë gjasa të përballen me virozat gripale gjatë mesit të dimrit sesa në fillim të vjeshtës. Kjo ka të bëjë gjithashtu me faktin se mbrojtja e ofruar nga vaksina e gripit zbehet me kalimin e kohës.
Në një studim të vitit 2021 mjekët zbuluan se aftësia e vaksinës për të mbrojtur bie çdo muaj me 8-9% gjatë sezoneve të gripit. Gjithashtu është vërtetuar shkencërisht se shanset për t’u prekur nga gripi rriten me 16% çdo 28 ditë pas vaksinimit. Këto argumente zenë një rëndësi të veçantë duke pasur parasysh se vitin e kaluar, gripi po përhapej edhe gjatë muajve mars dhe prill; Ndoshta prej faktit se njerëzit po rrisnin numrin e udhëtimeve dhe kufizimet u hoqën. Kështu, nëse e keni vaksinën e gripit e bëni në gusht ose shtator, mund të mos jeni të mbrojtur nga gripi gjatë muajve të pranverës dhe fillimit të verës.
Megjithatë, vaksina mund t’ju mbrojë pjesërisht edhe pas shtatë ose tetë muajsh. Mos u shqetësoni nëse e keni bërë tashmë vaksinën tuaj kundër gripit. Fundja bërja herët e vaksinës është më mirë sesa të mos e bësh fare.
Çfarë të Bëni Nëse Sëmureni
Duke qenë se simptomat e gripit dhe Covid-19 janë të ngjashme: të dyja përfshijnë rrjedhje hundësh, kollë, temperaturë, lodhje, dhimbje trupi ose dhimbje koke, shkenca mjekësore rekomandon bërjen e testeve të shpejta Covid-19 në mënyrë qëtë ndiqen udhëzimet e vetë-karantinimit në rast se jeni pozitiv. Gjithashtu mund të bëni një test gripi të zakonshëm tek mjeku, pasi nëse diagnostikoheni gjatë ditëve të para, ilaçet antivirale mund të ndihmojnë në minimizimin e simptomave dhe madje të shkurtojnë impaktin e sëmundjes.
Pavarësisht se çfarë virusi keni, nëse ndiheni të sëmurë, është e rëndësishme të qëndroni në shtëpi nëse është e mundur. Nëse hundët ju rrjedhin, kolliteni dhe e ndjeni trupin të lodhur, përpiquni të kufizoni aktivitetet tuaja dhe ekspozimet tuaja ndaj të tjerëve.
Edhe pse është stresuese të mendosh për një virus tjetër gjatë këtij dimri, e rëndësishme është se të njëjtat hapa që kemi marrë për të parandaluar Covid-19 parandalojnë gjithashtu përhapjen e gripit të zakonshëm. Të gjithë ne mund të zvogëlojmë rrezikun e gripit duke u vaksinuar, duke mbajtur maskë dhe duke larë duart shpesh. Fundja, asnjëra prej këtyre këshillave nuk është e vështirë për t’u bërë.
Për më tepër, mund të shtoni suplementë në dietën tuaj ushqimore. Shumë suplemente sot kanë aftësinë të na furnizojnë me multivitamina dhe minerale esenciale për energji dhe rritje të imunitetit. Thjesht zgjidhni atë që duhet, nga aty ku duhet 😉.
Sezoni i Virozave? Ja Si Mund Të Mbrohemi!
