Anemia nga Mungesa e Hekurit. Shkaqet, Simptomat dhe Trajtimi i Saj.
Anemia është një problem shëndetësor, që prek rreth 30% të popullsisë botërore, 40% të fëmijëve dhe 50% të grave shtatzëna në mbarë botën.
Jo vetëm në rang global por dhe në Shqipëri, bazuar në statistikat e Organizatës Botërore të Shëndetësisë (OBSH), rreth 17% e vajzave dhe grave shqiptare të moshës 15-49 vjeç vuajnë nga anemia: 13% nga anemia e lehtë, 3% nga ajo mesatare dhe 1% vuajnë nga anemia akute.
Nga çfarë shkaktohet anemia?
Sipas studimeve të shumta, shkaktari kryesor i anemisë është mungesa e hekurit në organizëm. Siç dihet hekuri është minerali kryesor i domosdoshëm për rritjen dhe zhvillimin e rregullt të njeriut. Trupi jonë e përdor atë për të prodhuar hemoglobinën, proteinën me ngjyrë të kuqerremtë, që transporton oksigjenin nga mushkëritë në pjesët e tjera të trupit.
Kur niveli i hemoglobinës dhe numri i rruazave të kuqe në gjak është më i ulët se norma, do të thotë se trupi nuk ka ose nuk prodhon mjaftueshëm hekur dhe fillojnë të shfaqen simptomat e para të anemisë.
Cilat janë simptomat e saj?
- Lodhje e shpeshtë dhe mungesë energjie
- Rrahje të çrregullta të zemrës
- Vështirësi në frymëmarrje, veçanërisht gjatë aktivitetit fizik
- Vështirësi në përqendrim
- Marramendje
- Duar dhe këmbë të ftohta
- Lëkurë e zbehtë
- Ngërçe në pjesën e këmbëve
- Pagjumësi
- Thonj të brishtë
Si diagnostikohet mungesa e hekurit në organizëm?
Në të shumtën e rasteve njerëzit nuk janë të vetëdijshëm se vuajnë nga anemia deri në momentin që kryejnë analizat rutinë të gjakut. Për të përcaktuar nëse vuani nga anemia e shkaktuar nga mungesa e hekurit, mjeku do të kryejë analiza shtesë për të kontrolluar nivelin e rruazave të kuqe, nivelin e hekurit në gjak, nivelin e Ferritinës (rezervat e hekurit) etj.
Cilat janë metodat e trajtimit ?
Trajtimi i anemisë kryhet përmes:
- Ushqimeve të pasura me hekur .
- Suplementeve të hekurit (+Vitaminë C)
- Infuzionit intravenoz të hekurit (në rast të sëmundjeve kronike)
- Transfuzionit të gjakut (në raste më të rënda)
Trajtimi përmes ushqimit
Trupi jonë përthith vetëm një sasi të vogël hekuri, prandaj rekomandohet një dietë e pasur me ushqime që përmbajnë hekur, të tilla si: mishi i kuq, ushqimet e detit, fruta të thata, bukë, makarona, fasule, spinaq, bizele etj. Nëse nuk i konsumoni produktet e mishit, atëherë do t’ju duhet të rrisni konsumin e ushqimit me bazë bimore të pasur me hekur.
Gjithashtu duhet të bëni pjesë të dietës dhe ushqime që përmbajnë vitaminë C të tilla si: fruta (luleshtrydhe, rrush), agrume (portokall), spec, brokoli, lakrër bruksel, patate, etj., pasi ndihmojne në përthithjen e hekurit.
Trajtimi përmes suplementeve
Nëse trupi juaj ka vështirësi në përthithjen e hekurit përmes ushqimit, mjeku mund t’ju rekomandojë trajtimin me anë të suplementeve në formë tabletash. Ky trajtim mund të zgjasë nga 3 deri në 6 muaj (ose më shumë) deri në plotësimin e rezervave të hekurit.
Suplemente me përmbajtje hekuri nga FarmaNet Albania:
- Holland & Barrett B Vits, Iron+ Magnesium x 30 tableta
- Holland & Barrett Radiance Multi Vitamins & Iron One A Day x 60 Tableta
- Iron+C Anabrazon (20 Pcs)
*Konsultohuni gjithmonë me mjekun ose farmacistin tuaj përpara se të merrni çdo lloj suplementi!
Për ata që vuajnë nga sëmundjet kronike, hekuri merret me anë të serumit ose në raste më të rënda përmes transfuzionit të gjakut. Për fat të mirë, pjesa më e madhe e personave që kanë anemi nga mungesa e hekurit, ndihen më mirë pas trajtimit me suplemente.
