Zgjohem në mëngjes… me afshin tënd 😛. Ok, nuk është ky rasti për këtë. Sot jam këtu sepse më lindi dëshira për të përshkruar ditën time. Po, unë jam një farmaciste. Jo, nuk jam një fanatike kontrolli dhe kam një jetë po aq normale sa një blogere. Në rregull pothuajse…
Atëherë, ku e lamë… Zgjohem në mëngjes rreth orës 7:30 (të gjithë e duam gjumin e mëngjesit) dhe gjëja e parë që bëj është larja e syve dhe e dhëmbëve: furça ime është…. dhe pasta e dhëmbëve që unë duhet të përdor është….., pasi mishrat i kam pak më të ndjeshme seç duhet. Kohët e fundit kam vuajtur nga alergjitë stinore dhe prandaj përdor gjithmonë pak ‘Viscoflu’ në mëngjes, për të hapur rrugët e frymëmarrjes.
Pasi bëj një dush është momenti që të filloj rutinën time të shkëlqimit me produktet e mia të preferuara nga #DermedenParis. Kremi i ditës është zgjidhja më e mirë për një vajzë të re me ditë të ngjeshur dhe me lëkurë të thatë. Tani po që jam gati për të konsumuar mëngjesin. Sigurisht, të jesh farmaciste ka anët e veta pozitive. Suplementët nuk mungojnë asnjëherë në dietën time. Kështu, e furnizoj trupin me të gjitha vlerat për të cilat ai ka nevojë që në orët e para të aktivitetit të ditës. Mëngjeset pas një nate ‘harbimi’ i falen fuqisë së ‘Watermelon Body Detox’ dhe ‘HungOVR shot’ nga Power Nature që të largoj efektet e pakënaqshme të alkoolit sa më shpejt nga trupi. Këtë mëngjes ndoshta jo, pasi mbrëmë fjeta goxha herët dhe e shijova në maksimum gjumin tim të shenjtë. Por, mend për herë tjetër. Gjithsesi pak Magnez, Vitamin C dhe D nuk i bën keq askujt. Sakaq, pas këtij mëngjesi ‘kampionësh’ thaj flokët (asnjëherë nuk duhet dalë jashtë me kokën e lagur) për të mos i lënë vend MIGRENËS që të dërgojë të fala. Jo faleminderit! Vishem bukur si një blogere dhe dal nga shtëpia…Oh jo, kam harruar prapë përparësen. Ndodh pothuajse gjithmonë. Të paktën kësaj rradhe nuk u kujtova tek dera e farmacisë 🤦🏻♀️.
Dhe ja ku jam: Ora është 12:00 dhe unë për pak marr turnin në farmacinë më të këndshme, më të famshme, më të mirë në të gjithë Tiranën. FarmaNet më dha mundësinë që direkt pas bankave të shkollës të filloja një praktikë që më kaliti dhe më bëri një farmaciste të pjekur që gjen çdo ditë kënaqësi tek puna e saj. Kolegët që gjeta këtu janë një vlerë akoma dhe më e madhe në përvojën time tashmë 2-vjeçare. Edhe po të doje të gjeje farmacistë, profesionistë apo njerëz më të mirë, thjesht nuk i gjen dot. Turnet janë gjithnjë dyshe dhe mua kryesisht më ka qëlluar që të ndaj turnin tim me Andin. Ai është me të vërtetë një person shumë i rrallë. Sa herë ndodh që të mos jem në formën time më të mirë, kam Andin që më mbulon më së miri me komunikimin e tij tejet qytetar dhe një sjellje që do ta kishte zili çdo vjehrrë :p. Për sa kohë Andi është pjesë e FarmaNet edhe unë kam një arsye më shumë për të ardhur në punë.
Sado që dita e një farmacisti është shpesh e mbushur nga klientë të shqetësuar që kërkojnë një zgjidhje, qëndrimi jonë mbetet gjithnjë pozitiv kundrejt ngarkesës dhe stresit. Kushtet ideale të punës të krijuara nga kompania FarmaNet ndikojnë shumë këtë aspekt. Megjithëse ndodh që dita të ketë lloj-lloj problemesh, që nga asistencat e stërgjata për një klient të vetëm e deri tek mbingarkesat e pafundme si pasojë e virozave, nga farmacia jonë të gjithë ikin me një zgjidhje. Produktet e ofruara në FarmaNet janë nga prodhuesit farmaceutikë më të mëdhenj të globit. Kënaqësia më e madhe në aspektin profesional? Kur hasem me receta mjekësore që e specifikojnë fare qartë: “Këtë medikament mund ta gjesh vetëm në FarmaNet.”- Me një shkrim dore prej mjeku të vërtetë (jo dhe aq i dallueshëm kuptohet 😛).
Unë jam farmaciste Anisa dhe mund të më gjesh tek farmacia FarmaNet në zonën e ish-bllokut 😊
