Sistemi Imunitar dhe Vitaminat Për Të Cilat Ka Nevojë
Me ditët e fundit të verës që po largohen me ngadalë, tani është momenti për të gjetur alternativën e duhur të suplementeve me vitamina dhe minerale që ndihmojnë trupin dhe sistemin tonë imunitar gjatë periudhës së vjeshtës dhe dimrit.
Çfarë është sistemi imunitar?
Me shumë mundësi ju bie mendja për sistemin imunitar vetëm kur ftoheni apo kur ju kap gripi. Por, ai është duke na mbrojtur gjatë gjithë kohës pa u vënë re. Ky rrjet i madh dhe kompleks qelizash, organesh, proteinash dhe antitrupash, është i projektuar për të mbrojtur trupin tonë nga rreziku i baktereve, viruseve dhe parazitëve.
Për hir të së vërtetës, sistemi imunitar na shpëton vazhdimisht jetën, teksa sulmon në momentin më të parë që identifikon diçka që nuk duhet të jetë e pranishme në trupin tonë dhe eliminon gjithashtu qelizat e vdekura. Ne vazhdojmë mendojmë për të vetëm kur sëmuremi, por në të vërtetë ai funksionon gjatë gjithë kohës për të ja dalë të na mbajë të mbrojtur.
Lidhja midis vitaminave dhe imunitetit
Një nga mënyrat më të mira për të suportuar imunitetin është të ushqesh trupin me mineralet esenciale që ai ka nevojë për të lulëzuar (ato minerale që trupi nuk i prodhon dot vetë).
Cilat vitamina ofrojnë imunitet më të mirë?
Nuk është vetëm një vitaminë apo mineral i caktuar që ndihmon sistemin imunitar, por janë disa. Në vijim mund të gjeni listën me vitaminat më të mira për funksionimin e shëndetshëm të sistemit imunitar.
- Vitamina A është e rëndësishme për funksionimin normal të sistemit imunitar sikurse për shëndetin e shikimit dhe atë të lëkurës. Vitamina A suporton sistemin imunitar në sajë të vetisë që ajo ka për të zhvilluar një rruazë të bardhë gjaku që prodhon antitrupa. Burime të vitaminës A janë veza, perimet me dhe vaj i mëlçisë së merlucit.
- Vitamina C ndihmon funksionet qelizore që kërkohen për një sistem imunitar të shëndetshëm. Portokallet dhe lëngu i tyre, brokoli, domatet, luleshtrydhet dhe specat e kuq/jeshilë janë burime të mira të kësaj vitamine.
- Vitamina B6 ndihmon sistemin imunitar, sikurse funksionin e sistemit nervor, metabolizmin proteinik dhe formacionet e rruazave të kuqe të gjakut. Burime të mira të kësaj vitamine janë mëlçia e viçit, tuna, salmon, drithërat, qiqrat, mishi i shpendëve, perimet me gjethe të errëta, bananja, papaja dhe pjepri.
- Vitamina B12 ndihmon trupin të konvertojë ushqimet në energji. Kjo vitaminë kontribuon në prodhimin e acidit nukleik dhe të proteinave qelizore që kanë të bëjnë me sistemin imunitar. Burime të mira të saj janë mishi dhe bulmeti. Kështu që vegjetarianët dhe veganët janë të prirur ta vuajnë pak më shumë mungesën e saj.
- Vitamina D ndihmon në normalitetin e sistemit imunitar dhe në aftësinë e tij për të luftuar infeksionet më shpejt. Teksa pjesën më të madhe të vitaminës D trupi jonë e përfiton nga ekspozimi i lëkurës me rrezet e diellit, qeveria britanike rekomandon një suplement ditor nga Tetori deri në Mars.
- Zinku ndihmon funksionimin e sistemit imunitar dhe gjendet më së shumti tek ushqimet e detit, mishi i kuq, qiqrat, vezët, farat e kungullit dhe të lulediellit. Kini kujdes të mos merrni më shumë se sasia e rekomanduar ditore (25mg).
- Vitamina E është e rëndësishme për një sistem imunitar të fortë. Ajo jep gjithashtu kontribut të vyer për një lëkurë dhe sy të shëndetshme. Duke qenë edhe antioksidant, mbron trupin nga dëmtimet e radikaleve të lira (oksidimi). Vajrat bimorë si vaji i ullirit, soja, arrat dhe drithërat janë një burim i mirë i vitaminës E.
- Acidi folik është një vitaminë e tretshme në ujë që përdoret nga trupi për të ndihmuar formimin e qelizave të kuqe të gjakut, të cilat mbështesin sistemin imunitar dhe janë thelbësore për zhvillimin e shëndetshëm të një fëmije gjatë shtatzënisë.
- Seleniumi është një antioksidant; Që do të thotë se ndihmon në mbrojtjen e qelizave nga dëmtimi i mundshëm që shkakton teprica e radikaleve të lira, si pasojë për shembull e pirjes së duhanit ose ndotjes.
- Hekuri është i nevojshëm për prodhimin e hemoglobinës- një proteinë që gjendet në qelizat e kuqe të gjakut e cila ndihmon në transportin e oksigjenit nëpër trup. Por hekuri gjithashtu luan një rol kyç për sistemin tonë imunitar.
Nëse mendoni se ju mungon ndonjë nga këto vlera të caktuara në dietën tua ushqimore, është një ide e mirë që të filloni përdorimin e suplementëve me multivitamina. Nëse e keni të vështirë që t’i përtypni, ekzistojnë forma kapsulash të lehta për t’u përtypur, forma likuide dhe tableta efevershente, që përmbushin dhe kërkesat më ‘tekanjoze’.
Nëse ju duhet ndihmë për të gjetur suplementin ideal për trupin tuaj, vizitoni një nga 18 farmacitë ‘FarmaNet’ që ndodhen në Tiranë dhe këshillohuni me farmacistët tanë. Në sajë të partneritetit tonë ekskluziv me liderin britanik të mirëqënies dhe shëndetit ‘Holland & Barrrett’, ju ofrojmë alternativën më perfekte të suplementëve që keni nevojë.
