Vitaminat dhe mineralet janë thelbësore për zhvillimin dhe funksionimin e duhur të trupit tonë. Teksa shumica prej nesh arrijmë ti marrim ato përmes ushqyerjes së shëndetshme, të tjerët kanë nevojë për pak më shumë lëndë ushqyese. Këtu hyjnë në funksion suplementet, që të shoqëruar me një dietë të ekuilibruar dhe të pasur, na ofrojnë mbështetjen e nevojshme për të qenë të shëndetshëm.
Meqenëse periudha e verës, së bashku me pushimet e shumëpritura, sjell dhe probleme të shumta si lodhje, këputje, dehidratim, marramendje, presion të ulët, kontraktim të muskujve etj., është e rëndësishme të kujdesemi për veten.
Për këtë arsye kemi zgjedhur për ju disa nga suplementet kryesore, të domosdoshme për të luftuar të nxehtin dhe për të parandaluar shenjat e lodhjes.
Magnezi dhe Kaliumi
Me vapën dhe temperaturat e larta trupi humbet lëngjet dhe kripërat minerale të domosdoshme për funksionimin e tij. Konsumimi i ujit duhet të jetë prioriteti kryesor për të qenë të hidratuar, por nevojiten dhe elementë të tjerë si magnezi dhe kaliumi. Mungesa e tyre përveç lodhjes fizike dhe mendore, mund të shkaktojë dhe simptoma të tjera si marramendje dhe të përziera. Zgjidhja në këtë rast janë suplementet me kombinimin e ketyre dy mineraleve.
Vitaminat e grupit B
Vitaminat e grupit B cilësohen me termin “vitamina energjitike” pasi kryejnë transformimin e karbohidrateve që ndodhen në organizmin tonë, në glukozë, duke i dhuruar trupit energji të menjëhershme. Kjo energji na nevojitet sidomos gjatë verës, kur shumë angazhime duhet ti kryejmë nën temperatura tepër të larta dhe lodhja ndihet më lehtë. Edhe pse individualisht janë të rëndësishme, disa prej tyre funksionojnë në grup prandaj është thelbësore të kemi një ekuilibër të mirë të tyre e të konsumohen së bashku.
Vitamina C
Hulumtimet kanë treguar se përdorimi i vitaminës C redukton mundësinë e zhvillimit të sëmundjeve të lidhura me nxehtësinë dhe përveç kësaj punon si një antioksidant, duke mbrojtur qelizat dhe duke ndihmuar në riparimin e indeve. Gjithashtu këto efekte antioksiduese mund të ndihmojnë dhe në mbrojtjen e lëkurës nga dëmtimi i diellit.
Vitamina D
Gjatë stinëve të pranverës dhe verës, statistikisht rritet probabiliteti i përhapjes së alergjive dhe astmës sezonale. Në ndihmë na vjen Vitamina D, e cila ndihmon në mbajtjen nën kontroll të simptomave të astmës me anë të vetive të saj anti-inflamatore. Sasia mesatare ditore e rekomanduar e vitaminës D për të rriturit nga 19 deri në 70 vjeç është 600 njësi (IU).
Vitamina E
E ngjashme në veti me vitaminën C dhe D, vitamina E ndihmon në uljen e ashpërsisë së alergjive sezonale dhe astmës. Ajo vepron duke qetësuar ato pjesë të sistemit imunitar që ‘zgjohen’ kur trupi është duke përjetuar një krizë alergjike. Përveç kësaj ndihmon në proçesin e eleminimit të papastërtive gjatë djersitjes nga i ngrohti i tepërt.
Suplemente që mund ti gjeni në FarmaNet.
Holland & Barrett ABC to Z Multivitamins 60 Tablets
Holland & Barrett high Strength Advanced Multivits & Minerals x 120 Tablets
Këto suplemente nuk zëvëndësojnë në asnjë mënyrë rekomandimet e ekspertëve, prandaj konsultohuni më parë me mjekun ose farmacistin tuaj.
Kujdesuni për veten tuaj pa lënë mënjanë kënaqësitë që të fal vetëm vera!
