“Tetori Rozë” Lufta dhe Ndërgjegjësimi ndaj Kancerit të Gjirit Historiku Nisma e “Ndërgjegjësimit ndaj Kancerit të Gjirit” u ndërmorr në Amerikë, në vitin1985, nga Shoqata Amerikane për Hulumtimin e Kancerit, në bashkëpunim me një rrjet të gjerë organizatash mbi shëndetësinë dhe sponsorave të ndryshëm. Muaji Tetor u përzgjodh si muaji i cili do ti dedikohej tërësisht edukimit të vajzave dhe grave mbi kancerin e gjirit dhe mbi rëndësinë e kryerjes së testeve të nevojshme për diagnostikimin e hershëm të tij. Një tjetër qëllim i rëndësishëm i kësaj fushate ishte dhe vazhdon të jetë mbledhja e fondeve për kryerjen e hulumtimeve shkencore mbi gjetjen e trajtimeve më efikase për këtë sëmundje dhe shkaqe të tjera që lidhen me të. “Fjongoja Rozë” Gjithçka nisi në vitet 90 kur Charlotte Haley, një grua amerikane e cila arriti ti mbijetonte kancerit të gjirit, filloi të dërgonte letra ku i kërkonte shtetit dhe fondacioneve të ndryshme rritjen e investimeve për studimin e shkaqeve, mënyrat e parandalimit, diagnozën dhe trajtimin e këtij kanceri. Këto letra ishin të shoqëruara dhe me një fjongo ngjyrë rozë të punuar me dorë e cila në shumë pak kohë u kthye në një simbol ndërkombëtar. U adoptua nga shumë kompani të mëdha e u përdor në fushatat e tyre duke u kthyer kështu në simbolin e shpresës, forcës dhe unitetit në mbarë botën. Statistikat Tek të dhënat e fundit nga OBSH, të cilat datojnë në vitin 2020, thuhet se statistikisht çdo vit, në Shqipëri dhe në mbarë botën, 1 në 8 vajza dhe gra preken nga kjo sëmundje. Megjithatë ky numër është në rritje. Shkaqet, Simptomat dhe Diagnoza Pothuajse 50% e vajzave dhe gratë të prekura nga kanceri i gjirit, nuk kanë pasur raste të mëparshme në familje dhe i vetmi faktor i dallueshëm është mosha madhore, mbi 40 vjeç dhe gjinia. Ekzistojnë sigurisht shumë faktorë të tjerë që bëhen shkak i zhvillimit të kësaj sëmundje, si: Obeziteti Pirja e duhanit dhe teprimi me alkolin Raste të mëparshme familjare Ekspozimi i vazhdueshëm ndaj rrezatimeve Mosha e shtatzanisë së parë Terapitë hormonale pas menopauzës, etj. Shenjat kryesore të dallueshme me sy: Kokërr (gungë) ose ënjtje e gjirit Ndryshim në madhësi, formë Ndryshime të lëkurës (njollë apo gropëz) Skuqje apo inflamacion Rrjedhje e pazakontë Koka e gjirit është e futur për brenda Diagnostikimi kryhet me anë të kontrolleve të ndryshme si. Vetë-ekzaminim çdo muaj Ekzaminim klinik çdo vit Mamografi çdo 1-2 vjet Ekografi çdo 6 muaj (mbi moshën 50 vjeç) *Frekuenca e kontrolleve ndryshon në varësi të moshës. Terapitë e Ndryshme Trajtimet sipas shkallës së avancimit konsistojnë në: Heqjen e tumorit dhe indeve të prekura me anë të kirurgjisë Heqjen e pjesshme ose totale të gjirit (mastektomia) Eliminimin e qelizave kancerogjene me anë të Kimioterapisë. Radioterapi, trajtim që kryhet kryesisht pas ndërhyrjes kirurgjikale Sipas statistikave të shumta që janë kryer gjatë viteve, trajtimi rezulton efektiv në 90% të rasteve, nëse kanceri i gjirit identifikohet që në fillim. Mesazhi Ynë! Farmanet i qëndron afër të gjitha vajzave dhe grave që në këtë moment po luftojnë kundër kancerit të gjirit. Ne besojmë se ndërgjegjësimi masiv dhe përhapja e gjerë e informacionit është një hap shumë i rëndësishëm dhe i nevojshëm për parandalimin e kësaj sëmundje. Kryeni gjithmonë kontrolle shëndetësore periodike dhe konsultohuni me mjekun tuaj për çdo shqetësim, sado i vogël të jetë ai. Parandalimi shpëton jetë!
“Tetori Rozë” Lufta dhe Ndërgjegjësimi ndaj Kancerit të Gjirit
