Rreth nesh
(Për porosi online) Email: info@farma-net.comTel: 0696099222
Depo Farmanet: 0692056497
Transporti falas për porosi mbi 2000 ALL (Brenda Tiranës)

“Urth… Je në Kurth” | Gaviscon

“Urth… Je në Kurth” | Gaviscon

Urthi.. nje nga problemet e stomakut me të shpeshta. Të gjithëve na ka ndodhur. Të gjithë e kemi dikë që vuan me stomakun më shpesh sesa arrijmë t’a takojmë. Ndoshta kjo patologji e përhapur në masë buron nga ushqimet e papërshtatshme, nga kultura e kafeve të njëpasnjëshme apo nga mungesa e kujdesit. Por, për të mësuar më shumë rreth shkaqeve, pasojave dhe zgjidhjeve të shqetësimeve të stomakut, ju ftojmë të lexoni vijimin e artikullit.

Shumica prej nesh janë shumë të njohur me ndjesinë djegëse e tepër të dhimbshme në qendër të gjoksit që njihet ndryshe si ‘urth’. Kush vuan me stomakun e di se situatat më të sikletshme janë situatat kur urthi ‘acarohet’ dhe vepron. Ajo ndjesi e pakëndshme djegieje që arrin deri në mes të gjoksit është ‘bezdia’ më e zakonshme e tretjes që vjen si rezultat i një gjendjeje të njohur si sëmundja e refluksit gastroezofageal (GERD), e quajtur dhe thjesht refluks. 

Sido që të jetë, urthi nuk mund të injorohet pasi dhimbjet që ai shkakton nuk mund të jenë të papërfillshme. 

  • Pse ndodh urthi?

Stomaku jonë përmban acid klorhidrik, i cili është një acid i fortë që mundëson shpërbërjen e ushqimit dhe mbrojtjen ndaj patogjenëve të ndryshëm. Veshja e stomakut është e përshtatur posaçërisht për ta mbrojtur atë nga acidet e forta, por ezofagu nuk është i mbrojtur në të gjithë rastet.

 Një unazë muskulore, e quajtur sfinkteri gastroezofageal, vepron normalisht si një valvul që e fut ushqimin në stomak, por jo në ezofag. Kur kjo valvul dështon, përmbajtja e stomakut kthehet përsëri në ezofag dhe ky është refluksi acid. Me acidin që ngrihet lart në ezofag personi përjeton një ndjesi djegieje dhe ky është urthi.

  • Çfarë ndjesie ka urthi?

Urthi është simptoma më e njohur e refluksit të acideve. Është ajo ndjesia e pakëndshme e djegies që shfaqet në ezofag. Një person e përjeton atë pikërisht në hapësirën pas kockave të gjoksit me tendencën për t’u përkeqësuar sapo shtrihemi apo përkulemi. 

Urthi mund të zgjasë për orë të tëra dhe shpesh provokohet më keq menjëherë pas ngrënies. Urthi ka gjihtashtu prirjen që t’a zhvendosi dhimbjen më lart se ezofagu, drejt fytit dhe qafës. Lëngu i stomakut në disa raste mund të arrijë deri pjesën e lartme të fytit, duke shkaktuar një shije të hidhur e të thartë në gojë.

  • Shkaqet e urthit
  • Urthi mund të prekë njerëz nga të gjitha moshat, ndonjëherë edhe pa arsye fare. Mund të ndodhë për shkak të stilit të jetesës, por edhe për shkaqe të tjera të cilat është e pamundur që t’i parandalosh.

 Shkaqet më të zakonshme të urthit janë:

  • Obeziteti
  • Pirja e duhanit 
  • Aktiviteti i ulët fizik
  • Përdorimi i medikamenteve të ndryshme përfshirë ilaçet e astmës, qetësuesit dhe anti-depresantët
  • Shtatzënia
  • Ushqimet që lidhen me provokimin e urthit janë:
    • Kafeina
    • Alkooli
    • Ushqimet me sheqer
    • Ushqimet pikante
    • Domatja dhe salcat e domates
    • Qepët dhe hudhrat
    • Ngrënia e vakteve të mëdha
    • Çokollata dhe pijet e gazuara
  • Si mund ta lehtësoni vetë urthin?

Ndryshime të vogla në stilin e jetesës mund të ndihmojnë në parandalimin ose reduktimin e urthit.

     Cfare duhet te beni:

  • Hani vakte më të vogla e më të shpeshta.
  • Ngrejeni fundin e kokës së shtratit tuaj me 10-20 cm, në mënyrë që gjoksi dhe koka juaj të jenë mbi nivelin e belit, gjë që mund të ndalojë acidin e stomakut të udhëtojë lart drejt fytit tuaj.
  • Nëse jeni mbipeshë përpiquni të humbni peshë .
  • Përpiquni të gjeni mënyra për t’u çlodhur dhe qetësuar.

     Cfare NUK duhet te beni:

  • Mos konsumoni ushqime ose pije që ju shkaktojnë simptoma urthi.
  • Mos hani 3- 4 orë para gjumit.
  • Mos vishni rroba të ngushta rreth belit.
  • Mos pini duhan.
  • Mos konsumoni alkool.
  • Mos e ndaloni përdorimin e ilaçeve që ju kanë këshilluar pa u konsultuar më parë me një mjek.

Këshilla e fundit…

Përveç masave të lartpërmendura ka edhe mënyra të tjera për t’a qetësuar stomakun në rastet kur këmbanat e alarmit të urthit po bien furishëm. Nëse keni nevojë për një ndihmë efektive e të pagabueshme, një vizitë në farmacinë që keni më afër do t’ju pajiste me një zgjidhje revolucionare; Dhe nuk është fjala për medikamente të forta recetash mjekësore, por për një qetësues të thjeshtë por me fuqi ‘magjike’…

Gaviscon është qetësuesi revolucionar për urthin, refluksin, gastritin dhe mostretjen. Gaviscon krijon një barrierë mbrojtëse në lëngun gastrik, barrierë e cila parandalon lëngun të rikthehet në ezofag duke stimuluar kështu tretje fiziologjike të shëndetshme. Efektiviteti i lartë ofron lehtësim të menjëhershëm që vepron për 3 minuta dhe zgjat për më shumë se 4 orë.

Mund të përdoret nga: 

  • Gratë shtatëzënë (edhe gjatë laktacionit)
  • Fëmijët mbi 12 vjeç (nën 12 vjeç me recetë mjekësore)
  • Të moshuarit

Gaviscon ofrohet në formë solucioni dhe tablete, të dyja me shije të freskët mente dhe mund të përdoret 2-4 herë/ditë pas vaktit ushqimor, sikurse para dhe pas gjumit. 

Nuk e di a jua kishim thënë dhe këtë kur po flisnim rreth urthit por…. Urth je në kurth! Vetëm me #Gaviscon sigurisht 😉

Previous Post

Kontributi thelbësor i Omega-3 në shëndetin e njeriut.

Next Post

Ndiheni të lodhur? Ja Kush Mund të Jenë Arsyet… dhe Zgjidhjet!